еМагазин
Image default
ТОП СТОРИИ ЧИСТА ОКОЛИНА

Енергетската криза го зголемува аерозагадувањето во урбаните средини, за кои до лани не беше карактеристично

Мерните станици во текот на вчерашниот ден покажале загадување на воздухот во повеќето урбани средини во земјава, а големо загадување во одреден момент од вчерашниот ден е забележано и во Охрид, вели ректорот на Универзитетот „Гоце Делчев“-Штип, Дејан Мираковски, кој раководеше со лабараторијата АМБИКОН и е експрет во оваа област.

„За жал бројките, коишто ги гледам од мерните станици покажуваат дека повеќето урбани средини во земјава и Скопје, Штип, вчера видов екстремни бројки во Охрид, сите урбани средини покажуваат повисоки нивоа на загадување, над дозволеното повисоки нивоа на загадување.

Во споредба со претходните години потребно е да помине време па да се направат попрецизни согледувања, колкаво е тоа зголемување и дали тоа го има,“ вели Мираковски.

Тој смета дека енергетската криза е основната причина што загадување на воздухот се појавува во урбаните средини, за кои не беше карактеристично аерозагадувањето.

„Луѓето повторно се враќаат на загадувачките извори на греење, струјата е доста скапа и повторно се враќаат на согорување на дрва и други материјали, коишто не само што се опасни за загадувањето, тие се екстремно опасни и по здравјето на луѓето, коишто ги користат,“ додава Мираковски и оценуваа дека годинава ќе биде полоша во делот на аерозагадувањето, токму поради енергетската криза и враќањето на граѓаните на традиционалниот начин на греење со дрва и на другите загадувачки извори.

„Сите градови покажуваат, кога е стабилна атмосферата екстремни пикови на загадување, што значи имаме многу повеќе емисии, отколку што сме имале минатата година и дефинтивно причина е енергетската криза, односно промената на горивата, коешто го користи населението,“ вели Мираковски и посочува дека мерните станици на УГД-Штип засега не покажуваат големо загадување во Штип, поради местоположбата, ветерот и климата.

Мираковски вели има одредени пикови на загадување, кога атмосферата е стабилна, но како што вели Штип е ветровит град и во однос на другите градови ретко е најзагаден и периодите се реалтивно кратки. Деновиве не е надминат прагот од 35 микрограми ПМ честички.

Прашан за решенијата, со кои би се анулирало аерозагадувањето, Мираковски со одговор дека потребно е да се градат системи за греење и во останатите градови, како што има Скопје, а за намалување на цената на струја потребно е во овој период да се искористи шансата за инсталирање на фотоволтаици и други извори на зелена енергија, кои ќе влијаат и на цената, но и да се намали загадувањето на воздухот во текот на наредната зима.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Жител на Вељуса се затворил дома откако прободел соселанец, полицијата го приведе со димни бомби

Редакција

„Раде Кончар-контактори и релеи“ го доби тендерот на МВР за набавка на регистарски таблици за возила вреден 575.000 евра

Редакција

Македонски телеком со зголемена добивка во првите девет месеци

Редакција