еМагазин
Image default
Локално

Еве кои улици ќе бидат затворени за денешниот празник Водици

Поради манифестациите за верскиот празник Водици, Одделението за безбедност на патниот сообраќај при СВР Скопје денеска ќе воведе посебен режим на сообраќај на одредени сообраќајници во централното градско подрачје на Скопје, како и во општините Ѓорче Петров и Аеродром и населбата Хром.

Како што информираат од МВР, во периодот од 10 часот, па до завршувањето на манифестацијата по повод Водици, во центарот на Скопје за сообраќај ќе бидат затворени улиците „Филип Втори Македонски“ до булеварот „Гоце Делчев“ и кеј „13 Ноември“ до булеварот „Кочо Рацин“.

Во Општината Ѓорче Петров од 10 часот црковната литија ќе се движи почнувајќи од црквата „Свети Петар и Павле“, десно по булеварот „Партизански одреди“, десно по улицата „Ѓорче Петров“, лево по улицата „Васил Чакаларов“, како и од црквата „Свети Пантелејмон“ по улицата „Демир Трајко“ и лево по улицата „Васил Чакаларов“ до Железничкиот мост на реката Вардар.

Во Општина Аеродром од 10 часот за сообраќај ќе биде затворен локалниот пат кон село Лисиче.

Министерството за внатрешни работи апелира до граѓаните да ги почитуваат наредбите што ги издаваат полициските службеници.

ПОВРЗАНИ ВЕСТИ

Во Скопје се пријавиле 140 граѓани за учество на манифестацијата „Водици 2020“

Православните верници го слават Богојавление – Водици: Бог се јави, навистина се јави

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Украдено „БМВ“ во Аеродром

Никола Осило

Со „Опел Астра“ удрил пешак во Скопје

Никола Осило

Во Скопје пронајдена 14-годишната исчезната штитеничка од Македонски брод

Никола Осило