еМагазин
Image default
БЕНЧМАРК ТОП СТОРИИ

Европската комисија за СЈО: Веруваме во институции, не во личности

Европската Комисија смета дека на македонските политички сили е да изнајдат договор за замената на Катица Јанева во согласност со законот и потенцира дека нема никаква улога во овој процес.

-Воспоставувањето на Специјалното јавно обвинителство (СЈО) на Северна Македонија беше дел од Договорот од Пржино помеѓу сите главни политички партии во земјата, вели за МИА, Маја Коцијанчич, портпаролка на ЕК.

Таа потсетува дека Собранието го усвои законот со кој се етаблира СЈО и ја назначи Катица Јанева на функцијата специјална јавна обвинителка.

-Нејзиниот заменик или заменичка ќе биде назначен согласно релевантните закони на Северна Македонија и Европската Унија немала и нема никаква улога во овој процес, додава портпаролката, запрашана за коментар околу дискусиите поврзани со процедурите за назначување на нов специјален јавен обвинител.

Европската Комисија не ги коментира јавно ниту деталите од преговорите помеѓу власта и опозицијата за иднината на СЈО, ниту случајот „Рекет“, но извори во оваа институција кои од блиску ги следат случувањата во Северна Македонија, за МИА велат дека она што е најважно за Брисел како и за земјите членки на ЕУ, е брза, но ефикасна и транспарентна истрага.

Ние не веруваме во личности, туку во институции, велат од Европската Комисија за МИА, на тоа секогаш сме инсистирале во нашите пораки и во нашите извештаи.

-Фактот што Катица Јанева е искомпромитирана не мора нужно да значи дека целата институција е искомпромитирана, сметаат во ЕК, но се разбира, велат, очекуваат истрагата за „Рекет“ да ги донесе потребните одговори на дилемите кои се појавија, на брз, ефикасен и транспарентен начин.

Дипломатите во Брисел и функционерите во Европската Комисија, како и јавноста во Македонија, се затекнати од аферата „Рекет“ и очекуваат непристрасна истрага, и решение за СЈО кое ќе овозможи да се врати довербата во судството и во правната држава во земјата.

Од ова во голем дел ќе зависи и одлуката за датумот за преговори за Северна Македонија која се очекува во октомври, потсетуваат во Брисел.

МИА

ПОВРЗАНИ ВЕСТИ

Партиите една година без договор за иднината на СЈО, погодете зошто

Наместо на инвестиции, 2019. стана година на „Рекет“

Кој го сликаше записникот за сведочењето на Камчев за „Рекет“?

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Во Македонија и на други четири локации во Европа ќе се одржи голема воена вежба

Редакција

Мицкоски: Ова што денеска го бара Борисов е ветено од Заев, бараме експертска влада, Меморандум и избори

Редакција

Убава вест: Во Радовиш излечени сите пациенти заболени од коронавирусот

Редакција