„Фершпед“ АД Скопје за период јануари-март 2019 година оствари нето добивка по оданочување од 15.435.000 денари, и истата е намалена во однос на истиот период од 2018 година, соопшти компанијата преку Македонската берза.
Остварените вкупни приходи за период јануари-м арт 2019 година изнесуваат 798.893.000 денари и во споредба со остварените вкупни приходи за истиот период од 2018 година бележат пад од 1%.
Оперативните приходи изнесуваат 797.815.000 денари и истите бележат пад од 1% во однос на оперативните приходи за истиот период од 2018 година.
Финансиските приходи бележат раст во однос на истиот период минатата година.
Вкупните расходи за период јануари-март 2019 година се во износ од 780.528.000 денари и истите имаат незабележителен пад во однос на вкупните расходи за истиот период 2018 година.
Оперативните расходи за период јануари-март 2019 година изнесуваат 778.630.000 денари и истите се на исто ниво во однос на истиот период во 2018 година.
Финансиските расходи бележат пад во однос на истиот период минатата година.