еМагазин
Image default
Македонија

Фетаи на рочиште за „Монструм“: Борбата за правда продолжува

„Борбата за правда продолжува“ кажа кусо обвинителката Фатиме Фетаи на влегување во Кривичниот суд каде претпладнево треба да се одржи ново рочиште за предметот Монструм, што го водеше Специјалното јавно обвнителство (СЈО).

Фетаи, заедно со нејзиниот колега од СЈО, а сега од ОЈО, Гаврил Бубевски, беа овластени од државниот јавен обвинител Љубомир Јовевски и натаму да го застапуваат овој предмет.

Судијата Огнен Ставрев минатото рочиште го одложи поради состојбата со СЈО, за која рече дека се надева оти за неколку дена ќе биде јасна и дека на следното ќе се слушаат разговорите од „бомбите“.

Случајот се наоѓа во доказна постапка и треба да бидат изведени околу 3.900 разговори, кои беа предложени како дополнителни докази од СЈО.

За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.

МИА/Фото: А1он

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Македонската и црногорската влада ја одржаа првата заедничка седница

Редакција

„Изборен трилер во Скопје – речиси изедначени Пендаровски и Силјановска“: Грчките медиуми за претседателските избори

Редакција

(ВИДЕО) Нова „бомба“ од “Ла Верита“: Катица наводно му вели на Камчев дека се ќе биде ОК

Редакција