Министерот за здравство, Венко Филипче уште еднаш на неговиот фејсбук-профил на повтори дека сите граѓани, компании, институции, секој поединец, максимално сериозно и без никакви отстапки да ги следи насоките и препораките.
„Коронавирусот не е шега. Единствениот начин да се заштитиме е секој еден, без исклучок, да се однесува одговорно. Сите информации се достапни, сите мерки се јасни. Мерките се заоструваат од ден на ден и ќе преземеме се што е потребно да го заштитиме јавното здравје.
Но, ова институциите не може да го направат сами, потребна е силна поддршка и соработка од граѓаните. Останете дома! Не се собирајте, не се групирајте! Сите кои можат да работат од дома да го направат тоа. Особено внимавајте и заштитете ги највозрасните, ранливите и хронично болните, тие се во најголем ризик,“ напиша Филипче.
ПОВРЗАНИ ВЕСТИ
Како да се заштитите од корона вирусот: АПЕЛ за целосно почитување на превентивните мерки
Кои се симптомите и како да се заштитите од корона вирусот?
На овие телефонски броеви може да се јавите при сомнителни симптоми на корона вирус
Фото: Фејсбук/Филипче