еМагазин
Image default
Бизнис

Фирмите со блокирани сметки до крајот на годината ќе можат да вршат намирувања преку компензации

Фирмите кои имаат блокирани трансакциски сметки ќе можат да вршат плаќања со пресметка на меѓусебните побарувања и обврски до крајот на оваа година. Измените на Законот за платен промет, со кој се предлага да се продолжи рокот е на дневен ред на утрешната собраниска седница.

Со предложената одредба правните субјекти кои имаат блокирани сметки меѓусебното намирување на паричните обврски и побарувања преку компензација, асигнација, цесија и преземање долг ќе можат да го вршат и во текот на 2019 година, односно до 31 декември 2019 година.

Со постојните одредби од Законот за платниот промет е утврдено дека учесниците во платниот промет кои имаат блокирана сметка можат меѓусебното намирување на паричните обврски и побарувања преку компензација, асигнација, цесија и преземање на долг да го вршат до 31 декември 2018 година.

Според предлагачот со престанување на можноста за плаќање со пресметка ќе се доведе во прашање натамошното работење на правните лица со блокирани сметки, а целта на продолжување на рокот е да се овозможи фирмите со финансиски проблеми да продолжат со работа и да им се остави дополнителен период од една година во кој ќе се консолидираат и ќе продолжат нормално да функционираат.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Ќе има „тепачка“ за субвенции: Пари има за само 900 возила

Редакција

Се намалува ДДВ-то за ресторански услуги од 18 на 10 отсто

Редакција

Банкарскиот сектор е стабилен, пропаѓањето на американската СВБ нема директни ефекти, велат од Народна банка

Редакција