Неверојатен микс на јадења и култури го одбележаа настанот „Албански вкус”, кој за прв пат се одржа во Македонија. Настанот е успешен проект на агенцијата Dynamic, кој досега се има одржувано во Австрија, Косово, Албанија и Швајцарија, а од оваа година и во Македонија. Прв домаќин на „Албански вкус“ беше Park Hotel & Spa.
Уникатниот и модерен ентериер на ресторанот на хотелот беше вистинскиот избор за настан од ваков тип. Седум традиционални албански јадења, 5 врвни шефови од Косово, Албанија и Македонија меѓу кои Шеф Фарук Незири, Шеф Перпарин Бабалија, Шеф Сокол Пренга и Шеф Арманд Кикино, цел тим на професионалци и мастер шефот на ресторанот FOUR Лефтерис Далагиоргос ги споделија своите искуства и подготвија вкусни традиоционални специјалитети.
Најдобрите македонски вина дополнително ја збогатија трпезата и вкусот на внимателно одбраното мени.
Помеѓу гостите кои присуствуваа на „Албански вкус” и уживаа во прекрасната атмосфера, традиционални албански вкусови и квалитетни македонски вина присутни беа и претседателот на собранието на Македонија Талат Џафери, заменик градоначалникот на град Скопје, Енвер Малиќи, Изет Меџити, Валон Сарачини како и Фатос Река албанскиот амбасадор во Република Македонија.
Настанот беше поддржан од Park Hotel & Spa, WesternUnion и Neptun.