Компанија „Гифти Текс“, која се понуди бесплатно да изработи и да донира заштитни маски веќе произведе 1.000 маски, кои ќе се распределат по приоритет, информира на Фејсбук, градоначалникот на Прилеп, Илија Јованоски.
“Во моментов фирмата располага со материјал за изработка на 100.000 маски, но доколку побарувачката биде голема, „Гифти Текс“ заедно со „Кули“ и „Фешн линк“ се спремни да изработат онолку маски колку што ќе бидат потребни.
Овие маски ќе бидат за повеќекратна употреба, можат да се перат и повторно да се употребуваат.
Висока општествена одговорност покажуваат и „Комфи Ангел“ и битолската компанија SMJ Clean Service, кои со свои производи, скафандери и средства за дезинфекција, помагаат во справувањето со коронавирусот на територија на општина Прилеп“, пишува тој.
ПОВРЗАНИ ВЕСТИ
Вкупно 48 заболени од корона вирусот: Шест нови, од кои и четиригодишно девојче од Штип
БРАВО: Гифти текс од Прилеп на свој трошок почна да произведува заштитни маски, кои ќе се донират
Поради корона вирусот, „Кромберг и Шуберт“ привремено запира со работа
Фото: Општина Прилеп