Храбрата шпанка, Кристина Гутереш ќе биде главниот возач на тимот на Mitsubishi Motors Шпанија, на претстојното Дакар рели, кое ќе се одржи од 6 до 17. јануари, следната година.
За ова рели, специјално е подготвен Mitsubishi Eclipse Cross, познат под името T1 Silhouette Racer.
На 27 годишната Кристина, ова ќе и биде трета натпреварувачка година, а нејзин копилот ќе и биде 26 годишниот Пабло Хуете.
Засега нема детални инфомации за перформансите на возилото, но младата Кристина упати повик за масовна поддршка за нејзин успех на 41-то издание на Дакар рели ( www.facebook.com/pg/cristinagutierreztt).
Таа вели дека Eclipse Cross е најспектакуларниот рели автомобил што досега го возела и навистина привлекува големо внимание.
Инаку, годинешното рели ќе се одржи во Перу, Латинска Америка, каде патеката е во должина од 5.000 км, од кои 70% е под песок.