Инвеститорот на зградата кај Мајчин дом во скопски Аеродром, Фатмир Етеми, на средбата со граѓани и активисти информирал како треба да изгледа објектот, чија изградба предизвиока протести.
Етеми уверувал дека зградата ќе биде целосно енергетски ефикасна.
„Проектот е изработен со особена за грижа за околината и животната средина. Самата зграда ќе има вертикално и хоризонтално зеленило, со посебен систем за одржување, за што вложувам околу еден милион евра. Заради моја грижа габаритот на зградата е намален и не ги искористува максималните параметри што ги дозволува ДУП-от. Максимално ќе го зазелениме просторот и
ќе има повеќе зеленило од сега“, изјави Етеми.
Тој рекол дека компанијата „Зсф-ком“ ДООЕЛ увоз-извоз ќе обезбеди 150 високоизраснати дрва, целосно партерно уредување на плацот околу Мајчин Дом и изградба на нов паркинг на парцелите околу, кои исто така се во сопственост на Етеми.
Тој истакнал дека неговата компанија е општествено одговорна и сака максимално да ги поддржи граѓаните во борбата со загадувањето.
ПОВРЗАНИ ВЕСТИ
(Видео) Граѓаните се обидоа да ја тргнат оградата кај Мајчин дом во Аеродром
Почна изградбата на висококатницата кај Мајчин дом: Аеродромци бараат оставка од градоначалникот