Бројни маски, поединечни и групни, со учесници од разни возрасти, од повеќе градови од Македонија, беа дел од овогодинешново издание на карневалот „Прочка 2019“ во Прилеп.
На карневалот во Прилеп имаше и многу гости од странство: Бугарија, Турција, Грција, Србија, Хрватска…
Особена убавина на денешниот карневал дадоа членовите на Здружението на лица со интелектуална попреченост „Порака“ со маската „Цветна алеа“.
„Карневалите во Прилеп, Кавадарци и Струмица, формирањето на ФЕКК-Македонија, го развиваат алтернативниот туризам во земјата. Конкретно денеска во Прилеп присуствуваат преку 1.000 гости од земјава и странство, а в година ќе имаме сигурно уште многу поголем број учесници и гости, со кои градот прераснува во туристичка карневалска дестинација“, изјави градоначалникот Илија Јованоски.
Фото: Општина Прилеп