еМагазин
Image default
ЖИВОТ

(Фото) Првата дама на „Глобален женски појадок“: Женското лидерство во науката е неопходно

Сопругата на претседателот Стево Пендаровски, Елизабета Ѓоргиевска присуствуваше и се обрати на настанот „Глобален женски појадок“ на Институтот за хемија при Природно-математичкиот факултет.

Иницијативата за овој глобален настан е на IUPAC – Меѓународна унија за чиста и применета хемија, кон која по вторпат се приклучи и Сојузот на техничарите и технолозите на Македонија, а се одржува под мотото „Градење врски за создавање на идни лидери“.

„Не се сомневам дека ова локално и национално вмрежување, кое понатаму ќе прерасне и во вмрежување на меѓународно ниво, ќе придонесе за градењето на идни лидери во науката, но и воопшто во останатите сегменти на живеењето. Женското лидерство, особено лидерството во науката е нешто што му e неопходно на ова општество и воопшто на човештвото“, истакна Ѓоргиевска.

Говорејќи за предизвиците на жените од академската заедница, Ѓоргиевска на присутните им кажа дека ги знае напорите што секоја професорка ги вложува за да биде подеднакво почитувана и ценета како и колегите истакнувајќи дека сеуште треба да се работи на целосна родова еднаквост во политиката, бизнисот, науката, но и во нашите размислувања, менталитет и култура на живеење.

„Она што сакам особено да го потенцирам е борбата да биде за еднаквост во квалитет, не во квантитет. Не станува збор за квоти, за број на жени, туку да се бориме за вистинските вредности, за еднаквост на квалитетни кадри.

Не се сомневам дека имаме извонреден потенцијал, дека имаме жени лидери кои можат да го предводат развојот и на нашата наука, но и да бидат лидери во општествените процеси. Токму со женската грижа, темелност, љубов ќе дојдеме до напредок и до просперитет на целата заедница“, порача Ѓоргиевска.

Идејата за овој појадок е да се соберат жени, активни на полето на хемијата и сродните науки, вработени во различен тип на организации – универзитети, компании, училишта, лаборатории од приватен и државен сектор, со цел да ги споделат различните искуства во досегашната кариера, како и да се разгледаат можностите за идни соработки.

Фото: Кабинет на претседател

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Муслиманите го слават Рамазан Бајрам: Кои се обичаите

Редакција

(Фото) Спасовски, Тасевски и Маричиќ ги бодреа македонските фудбалери на натпреварот со Словенија од трибина

Редакција

Најголем дел од починатите од Ковид-19 во Македонија имале болести поврзани со срцето

Редакција