еМагазин
Image default
БАШ НИ Е ЌЕФ

(Фото) Партнерство на УНИЦЕФ и Фондацијата Телеком за Македонија

Фондацијата Телеком за Македонија и УНИЦЕФ објавија партнерство за проширување на можностите за вклучување на децата и младите со попреченост во дигиталното општество.

Партнерите, заедно со млади луѓе, ќе создаваат иновативни дигитални решенија за подобар пристап до образование и инклузија на лицата со попреченост во заедницата.

„Дигитализацијата ќе донесе многу нови можности и целосна трансформација на општеството. Ние, како едни од главните носители на таа трансформација имаме обврска да ја испорачаме најдобрата технологија, но и одговорност да создадеме фер услови.

Парнерството со УНИЦЕФ е токму таква иницијатива за намалување на дигиталниот јаз за подеднакво вклучување на ранливите групи. Во исто време е и повик за подигање на свеста дека сите ние сме креатори и треба да создадеме фер дигитално општество каде што технологијата, пред сè, ќе им служи на луѓето“, изјави Никола Љушев, претседател на Фондацијата Телеком за Македонија.

„Адолесцентите и младите луѓе имаат огромен неискористен потенцијал – по природа имаат страст за новини и желба да ги поместат границите. Младите со попреченост не се разликуваат. Ова партнерство е за заедничко создавање со нив за да се најдат иновативни решенија за вистинските бариери со кои децата и младите се соочуваат секој ден на училиште и во животот”, изјави Бенџамин Перкс, претставник на УНИЦЕФ.

Партнерството се состои од две големи иницијативи кои ќе направат вистинска промена во животот на децата и младите со попреченост.

„Generation Unlimited” – јавен повик до млади иноватори од земјата за осмислување дигитални решенија за намалување на бариерите со кои децата и лицата со попреченост се соочуваат во образованието и секојдневниот живот. Ќе се оформат десет тимови кои ќе работат на развивање на идеите за дигитални решенија, а во секој тим ќе има по едно лице со попреченост.

Тимовите ќе работат под менторство на инженери, маркетинг и ИТ специјалисти од Македонски Телеком, а најдобрите три идеи ќе бидат финансирани и реализирани. Јавниот повик со сите детали ќе биде објавен наесен, годинава.

Без граници“ – дигитална мапа за пристапност за лица со попреченост. Преку партнерството ќе се изработии дигитална мапа за пристапност со која луѓето ќе можат да се информираат и да ги посочат бариерите, но и позитивните примери на пристапност во: згради, пешачки патеки и премини, јавен превоз, паркинг, игралишта, тоалети итн.

Преку партнерството мапата ќе се изработи како дигитална платформа. Целта е преку оваа дигитална алатка да се обезбеди полесно движење и пристапност што е една од основите за еднаков третман на овие лица. Со текот на времето платформата дополнително ќе се развива  во соработка со надлежните институции, локалните организации и здруженија на родители.

Ова е второ партнерство на УНИЦЕФ и Фондацијата Телеком за Македонија. Во 2015 година под слоганот „Првите 5 најважни на свет“ беа отворени 8 центри за ран детски развој со кои децата во руралните средини добија еднакви можности за рана едукација, која им помага да бидат подобри во училиште и воопшто во животот.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Храбри жени добија бесплатна трансформација на изгледот од дрогериите dm

Редакција

Македонскиот научник Тања Петрушевска, дел од ново астрономско откритие

Редакција

Училиштето „Нова“ е добитник на награда за развој на претприемништво во Средна и Југоисточна Европа

Редакција