еМагазин
Image default
НАША ТЕМА ТОП СТОРИИ

(Фото) Што открива за Пендаровски, новиот претседател на државата, неговата сопруга Елизабета

Во текот на изборната кампања, новиот претседател на државата, Стево Пендаровски наполни 56 години.

Роденденот го прослави со сопругата и синот, кои беа покрај него за време на кампањата, а и при синоќешното прогласување на победата во штабот на СДСМ.

Пендаровски приватно

Роден е на 3. април, 1963 година.

Дете е на двајца учители, кои биле првите дел од првите во земјава по Втората светска војна.

Татко му предавал хемија и биологија, а мајка му била оделенски наставник.

Каков сопруг и татко е

Пендаровски не сака многу да зборува за својот приватен живот, а повеќе детали за него приватно знаеме благодарение на неговата сопруга Елизабета, по професија стоматолог, која работи на Клиниката за детска и превентивна стоматологија, а со која се запознал преку заеднички пријатели.

Во изборната кампања на Пендаровски кога во 2014 година за прв пат беше кандидат за претседател на државата, таа се обиде да го долови Стево, не како што вели: „строго лице од телевизиските екрани, туку како човек пожртвуван, благороден необично духовит и прекрасен татко“.

„Стево го запознав кратко пред да ми се случи најстрашниот момент во мојот живот, загубата на мојата помала сестра. Тогаш, неговата поддршка и часови и часови поминати во разговори ми помогнаа да прифатам, некако да живеам со тој факт неповратна загуба како дел од животот. Но ми се чини дека маката тогаш, направи да видиме многу побрзо една важна работа, а тоа е дека треба да продолжиме заедно, особено затоа што и обајцата потекнуваме од скромни семејства, каде што добрината, човечноста и трудољубивоста се поважни од се.

Кога за десетгодишнината од бракот повеќето жени добиваат скапоцени подароци, јас од него добив тектст, текст кој не би го менувала за сите богатства на овој свет.

Насловот е „Десетка во срце и една од карти“. Десетка за десетте години заеднички живот, а една од картите за она прекрасно суштество кое не може да заспие додека со најдобриот татичко на свет не прочитаат по некоја епизода од нивните омилени стрипови.

Стево од секогаш ме поддржувал во мојата работа. Секое мое отсуство и враќање го засилува чувството дека најсреќна сум кога сум тука, дома. Јас најдобро знам дека сакам и Огнен кога ќе порасне да остане покрај нас, заслужува иднина како и сите наши деца, тука“, рече Пендаровска во нејзиното обраќање.

Пендаровски е фан на музика од поранешна Југославија, со која и растел, од типот на Бјело дугме, Парни ваљак, Идоли…, но и на Леб и сол и Еливис Присли.

ПОВРЗАНИ ВЕСТИ

Виртуелна тура низ Вила Водно, каде ќе живее новиот претседател, Пендаровски

Победата на Пендаровски честитка за сопругата: Првата дама денеска слави роденден

Како и Заев и Пендаровски нема ни куќа, ни стан: Каков имот пријавил новиот претседател на државата

Кој е Стево Пендаровски: Од советник на двајца претседатели до нов претседател на државата

Фото: Фејсбук/Пендаровски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Твитер „експлодира“ за Северна Македонија: „Леле кој че се објаснува в лето на одмор во Грција од кај сум“

Редакција

И така СЈО од Титаник, Тортура, Траекторија… до ТАПА“: Твитер за новото законско решение за СЈО

Редакција

МВР без тендер ќе набави огревни дрва од Македонски шуми за седум милиони денари

Никола Осило