Ресторанот „Соле“ се наоѓа во срцето на Виена, на улицата Анагасе, до која се стигнува со исклучување од Картнерштасе, главната улица која го поврзува Штефанплац со државната Виенска опера.
„Соле“ можеби и не би бил толку интересен за нас, доколку не се знае фактот дека е во сопственост на Аки Нуредини од Камењане (Тетово) кој е познат угостител во Виена.
Неговиот ресторан е свртилиште на австриски и светски политичари, музичари, оперски пејачи, уметници.
За Аки има и книга „До, ре, ми, фа, СОЛЕ“, која е посветена на триесетгодишната работа на омилениот ресторан на оперските ѕвезди. По овој повод имаше и голема прослава во Виенската опера каде што Аки го зазеде централното место како гостин.
Аки се најде и на насловната страна на списанието „Wien Live“ каде што беа објавени многу слики со неговите гости помеѓу кои и Пласидо Доминго, кој е редовен гостин и кој што најчесто знае да каже дека „Стомакот оди таму каде што му е пријатно.“
Во близина на ресторанот има отворно и бар „Соле“. Специфично за двете места е што се е минималистичко направено со уштиркани чаршави, елегантно, убаво, со ништо вишок и ништо што недостасува.