еМагазин
Image default
ЖИВОТ

(Фото) Заева: Девојките и жените имаат апсолутно еднакво право да напредуваат во нивните работни кариери

На покана на романската премиерка Виорица Данчила, а во рамки на претседавањето на Романија со Советот на ЕУ, Зорица Заева, сопругата на премиерот, учествуваше на конференција „Улогата на жените во модерното општество – помеѓу јакнење, лидерство и родовата дискриминација“ која се одржа во Букурешт.

Посебен акцент во своето обраќање, Заева стави на економското јакнење на жените во општеството.

„Девојките и жените имаат апсолутно еднакво право да напредуваат во нивните работни кариери и да бидат избирани на највисоки работни позиции. Нема никаква причина да биде поинаку.

Намалувањето на родовиот јаз во платите, на макроекономско ниво, може да придонесе за поголем економски раст. Затоа треба да биде јасно: економското зајакнување е одговорот на многу од прашањата со кои се соочуваат девојките и жените“, нагласи Зорица Заева на конференцијата.

Конференцијата имаше фокус на стратешките европски и меѓународни документи кои на краток и долг рок работат во насока на елиминација на родовата дискриминација и нееднаквост, но и на општествениот дискурс кој се движи во насока на подигнување на свеста за сите форми на насилство врз жената и овозможување на средина за еднаков развој и учество на жените во општеството, политиката и приватниот сектор.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Март годинава просечен кон потопол и повлажен

Редакција

Февруари за 2,5 степени потопол од просекот, максимално измерената 21,6 степени

Редакција

За натамошен успех на „Гаранцијата за млади“ неопходна е поголема активација на невработените млади лица и теренска работа

Редакција