еМагазин
Image default
БАШ НИ Е ЌЕФ ТОП СТОРИИ

(Фото) Застапникот за деца со попреченост од Македонија, Јане во ОН се сретна со Дејвид Бекам

На овогодишниот Светски ден на детето, Јане Велковски, единаесетгодишен застапник за деца со пореченост од Македонија, му се придружи на УНИЦЕФ на глобалниот самит во Обеднитети нации во Њујорк каде деца и млади ќе побараат да се преземе акција за да се заштитат и промовираат правата на децата.

Во рамите на овој Самит, тој се сретна со поранешниот светски познат фудбалер Дејвид Бекам, објави неговото семејство.

Самитот на УНИЦЕФ е дел од прославата за одбележување на Светскиот ден на детето кој се поклопува со 30 годишнината од усвојувањето на Конвенцијата за правата на детето, најшироко ратификуваната спогодба за човекови права во историјата.

„Навистина сум многу возбуден затоа што ова е огромен настан. Но истовремено сум многу среќен затоа што ќе можам да му кажам на целиот свет дека сите се еднакви и дека луѓето со попреченост може да ги прават истите работи како и сите други. И дури и да не може да ги прават сите работи, тоа не значи дека не треба да уживаат во животот“, изјави Јане Велковски.

Јане ќе учествува во интерактивниот дел во кој ќе бидат претставени деца застапници, ќе има креативни елементи, музички настапи и учество на амбасадори на добра волја. Тој ќе зборува заедно со други четири деца за време на панел дискусијата насловена како „Да не изостане ниедно дете: за секое дете, сите права“.

„Јане е инспирација за сите нас и пример што може да постигнат децата ако им се даде фер шанса, изјави Патриција ди Џовани, претставник на УНИЦЕФ.

“Многу сме горди што токму тој ќе ја сподели својата порака со светските лидери. Тој ни покажува дека, како и секое дете, децата со попреченост со себе носат потенцијал за среќен, исполнет живот, витално учество во заедницата и давање свој придонес за да изградиме инклузивни и одржливи општества за сите”, вели таа.

Заедно со Владата и во партнерство со Делегацијата на Европската унија, УНИЦЕФ во Македонија организира низа активности за да ја одбележи 30 годишнината од усвојувањето на Конвенцијата за правата на детето. Училиштата низ целата земја се вклучени во активностите околу “Најголемата лекција на светот“ и ја пишуваат “Иднината на детството“.

Над 1.300 деца испратија свои креативни дела кои ќе бидат дел од настанот на високо ниво во Владата “За децата, од децата“. Повеќе информации ќе споделиме во деновите пред Светскиот ден на детето, 20 ноември.

фото: УНИЦЕФ/Деница Велковска

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ДИК: Излезноста до 17 часот, 28,83%

Редакција

(Видео) „Вардаре не те оставаме“ – нова песна за поддршка на скопскиот спортски клуб

Никола Осило

(Фото) Македонка од Шведска со уникатни парчиња го освојува модниот свет

Редакција