еМагазин
Image default
БАШ НИ Е ЌЕФ

(Галерија) Интернационалниот танцов натпревар „Стејџ 2019“ ја собра европската балетска и танцова елита на едно место во Скопје

На 2 ноември 2019 год во Националната опера и балет на големата сцена се оддржа Интернационалниот балетски и танцов натпревар „Стејџ“ во организација на балетскиот педагог, кореограф и продуцент Тамара Ѓурчиновска, сопственик на „Арт балет“.

На натпреварот учествуваа над 200 балетски солисти и над 750 учесници во групи и формации. „Стејџ“ го посетија над 1200 гледачи во Националната опера и балет. „Стејџ“ како престижен балетски и танцов натпревар, со традицијата од пет години постоење, и оваа година беше престиж и чест да ги пречека со врвна и беспрекорна организација земјите учеснички како:Белгија, Италија, Србија, Словенија, Хрватска, Грција, Турција, Куба, Бугарија, Романија, Босна и Херцеговина и Македонија.

Целта е да им се обезбеди можност на балетските играчи, танчери, училишта, театарските играчи да се соберат на едно место во атмосфера на пријателско натпреварување со цел да учат и да се инспирираат едни од други

Покрај самата конкуренција, програмата вклучува мастеркласи и можности за споделување и споредување на знаењето, искуството и талентите на учесниците и нивните наставници.

Натпреварот е оценет од врвни професионалци, прпфесионално балетско и танц-жири составено од претседател на жири, магистар Олга Панго – директор и педагог на балет на Националата опера и балет, Ерик Јанес Тапија, Нермин Кочан, др. Елица Петрова Луканова, Каталина Стегару, Мариус Онофреј, Искра Шукарова, Маја Каревски, Марие Леонард, Душан Водлан.

Гранд-при за најдобар и најталентиран учесник ѝ припадна на Ела Канер од Турција, гранд-при за најдобри групи припадна на балет „Тринити“ од Варна од Бугарија и „Лазарети“ од Дубровник од Хрватска, најдобро дуо од Грција, најдобро трио од „Тапија денс хаус“ од Бугарија и награди за најдобри сценски костими за „Ројал балет“ од Софија-Бугарија и Ела Канер од Истанбул Турција.

За следното издание на Интернационалниот танцов и балетски натпревар „Стејџ 2020“ е веќе најавен 7 и 8 ноември 2020 година каде се очекува уште поголем број на учесници.

Целиот настан беше поддржан од Министерството за култура.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) 30 години успешна приказна на Центро Унион и Favorit

Редакција

Фестивалот на креативен документарен филм „МакеДокс“ ќе се одржи 16 до 23 август

Редакција

(Фото) Хероите од цртаните филмови денеска во акција на Клиниката за детски болести

Редакција