При крајот на 2020 година во Скопје ќе се отвори една нова врата која ќе претстави нов урбан и современ дел на македонската престолнина.
Градежните работи ќе започнат на пролет следната година со изградба на трговскиот центар и четири станбени објекти за индивидуално домување, кој е во план да се заврши до крајот на 2020.
Процесите ќе бидат поделени во пет фази и ќе се одвиваат во период од пет до седум години. Им се дава предност на македонски градежни компании и „Ист гејт“ претпочита да работи со домашни производители. Сепак, нема да бидат изоставени и странските компании за експертизата за која што се потребни.
Овој комплекс ќе го унапреди Скопје во насока на модерен град и ќе ја зголеми вредноста на Општината Гази Баба со содржина, инфраструктура, уредени паркови и зголемена фрекфенција на посетители.
Проектот ќе ги задржи домашните купувачи во Македонија и ќе привлече нови гости и туристи од соседните региони. Годишниот промет се очекува да биде 120 милиони од кои 15 проценти од странци.
Местото е погодно за застанување на туристите кои транзитираат низ Македонија и патуваат кон Грција.
Менаџментот на инвеститорот „Балфин“ разговара за влез на голем број брендови, кои некои и за прв пат во државата и регионот и според првичните резултати 75 проценти од капацитетот на центарот се пополнети.Интерес за влез во трговскиот центар има од 30 брендови од областа на забава за најмладата, текстил, чевли, храна, а се очекува од 97 до 99 отсто исполнетост на молот на отворањето. Акцент ќе биде ставен на забавата на деца и тинејџери со понуда на различни содржини.
Шопинг-молот ќе биде поголем за 40 проценти од Сити мил.
Предвиден е паркинг под земја на две нивоа.
ПОВРЗАНИ ВЕСТИ
(Галерија) Како ќе изгледа новиот комплекс „Ист гејт“ што ќе се гради на поранешен Скопски саем