еМагазин
Image default
ТОП СТОРИИ Убава приказна

(Галерија) Винаријата „Стоби“ на Минчо Јорданов го прослави десетиот роденден

Винаријата Стоби го одбележа големиот македонски празник Св. Трифун и својот јубилеј 10 години од постоењето во присуство на своите пријатели од бизнис, политичкиот, дипломатскиот и јавниот живот. Сите заедно го закроија лозјето и наздравија од срце.

„Нашиот бренд Стоби, во периодот од 10 години, стана вино со препознатлив квалитет коe се пласира на повеќе континенти. Со гордост можеме да кажеме дека ги освоивме Кина, САД, Русија и Европа. Горди сме на нашите награди и пофалници од реномирани вински критичари а тоа нам ни претставува предизвик за натамошни успеси, благодарение на целиот тим“, вели Минчо Јорданов, сопственик на винарија Стоби.

Изминататите години винарија Стоби зема учество на сите реномирани саеми и освои награди и признанија на светски натпревари.

Само лани, Стоби освои највисоки признанија на престижните интернационални натпревари Мундус вини во Германија и Вино Љубљана во Словенија.

Вината на Стоби добија високи препораки од реномираните светски вински критичари во рецензиите објавени во Вашинготн пост и во винскиот магазин Wine Advocate.

„Ние како винарија постојано ги следиме светските трендови, ги задоволуваме вкусовите на сите потрошувачи. Со тоа сме конкурентни и на светскот пазар со широка палета на производи на вина.

Континурино вложуваме во иновации со цел да произведеме вина кои се премиум, класик, елитни или традиционални кои ќе ги задоволи сите вкусови и сетила на секој потрошувач. Винарија Стоби е фамилијарен бизнис благодарение на мојот татко Минчо Јорданов“, рече Ана Јорданова, креативен директор во компанијата.

Стоби е модерно конципирана македонска винарница во Градско со свој ресторан, која годишно произведува 4,5 милиони литри висококвалитетно флаширано вино, од кои 70% се извезува на пазарите во други земји.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Македонските граѓани ќе ја плаќаат Авганистанската национална армија

Никола Осило

СДСМ и Беса на Касами постигнаа договор за уставните измени

Редакција

Детален преглед: Што му напишал амбасадорот Бејли на претсeдaтeлот на Основниот суд, Иван Џолев?

Никола Осило