Софтверската компанија ГДИ ја изработи првата интерактивна мапа за коронавирусот во Македонија.
На мапата може да се видат податоци за бројот на заразени, местата каде има заразени случаи, бројот на излечени и други податоци.
Исто така, на мапата има линк до страната на Министерството за здравство за детално информирање за сите прашања за корона вирусот.
Според генералниот директор на ГДи Скопје, Дејан Крстевски оваа апликација ја имаат и другите држави во регионот, каде податоците се ажурираат согласно известувањата на институциите и на светските статистики.
„Во овие моменти на криза, сакаме да помогнеме на населението и на институциите вистински и во реално време, да ја следат состојбата со развојот на вирусот во Македонија. Кога ќе се уредат сите просторни податоци на едно место, полесно е да се избегне кризата и да се донесат вистински одлуки.
Овозможува едноставен и прегледен приказ во служба на информирање на јавноста, но пред се е корисна алатка за оние кои носат одлуки и мерки за сузбивање на вирусот. Затоа што животот во доба на коронавирусот, всушност, е живот во криза“, вели Крстевски.
Географски информациони системи (ГИС) се начини за организирање, презентирање и анализирање на просторни и географски податоци. ESRI е водечка организација во областа на географијата и давател на ГИС ресурси.
ПОВРЗАНИ ВЕСТИ
Првпат го видов „Силбо“ празно, корона вирусот го направи Скопје град на „духови“
МНР прави напори да им се помогне на нашите граѓани кои „заглавија“ надвор поради коронавирусот
Детална листа: Најнови мерки и заклучоци на Владата против корона вирусот
(Галерија) Секое возило кое влегува и излегува од Дебар и Центар Жупа се дезинфицира
Фото: ГДИ