еМагазин
Image default
Македонија

Градоначалникот Георгиевски се јави од Инфективна клиника: Да останеме сплотени, само така ќе ја добиеме битката со корона вирусот

Градоначалникот на Општина Гази Баба, Борис Георгиевски изрази искрена благодарност за грижата на оние кои му пишуваат со интерес за здравствената состојба.

Тој лежи на Клиниката за инфективни болести во Скопје, и на неговиот фејсбук-профил објави дека, со огромна посветеност и пожртвуваност на докторите и сите медицински лица се надева дека секој од таму, многу брзо ќе ја добие битката со корона вирусот.

„За жал, ги читам и малициозните информации и лаги кои некои портали ги објавуваат. Ве замолувам да не им се лутите и да не им земате за зло.

Да останеме сплотени, бидејќи само на тој начин ќе успееме како општество да ја добиеме битката со ова зло наречено коронавирус. Јас и понатаму ќе ги следам препораките на лекарите и ќе постапувам согласно нивните насоки.

Општина Гази Баба и целиот тим продолжува тековно да функционира, бидејќи потребите на моите сограѓани остануваат секогаш приоритет и за мене и за Општината. Ви благодарам уште еднаш и се гледаме наскоро,“ напиша Георгиевски.

ПОВРЗАНИ ВЕСТИ

Градоначалникот на Гази Баба, Борис Георгиевски позитивен на корона вирусот, хоспитализиран е на Инфективна клиника

Покрај градоначалникот Георгиевски, уште еден вработен во Општина Гази Баба е позитивен на корона вирусот

Фото: Фесјбук/Георгиевски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Убава вест: 84 оздравени пациенти од Ковид-19

Редакција

Фрчковски нема да биде амбасадор во САД

Редакција

Апасиев: „Левица“ е оштетена за околу 10 илјади гласа, украдени ни се тројца пратеници

Редакција