еМагазин
Image default
БАШ НИ Е ЌЕФ

Германија земја во фокус на Skopje Design Week: Учиме од најдобрите

Во Скопје од 21. до 25.ноември 2018 се одржува осмиот Skopje Design Week во соработка со Делегацијата на германското стопанство во Македонија. Оваа година земја во фокус е Германија. Германија, моторот на Европа во индустриски развој, производство, извози земја број 1 во светот во организирање на интернационални саеми и поврзување на бизниси од целиот свет.

Добриот и квалитетен дизајниран мебел може да има успех само доколку производителот успее да го пласира на светските пазари, а она што е најтешко за најголемиот дел од македонските производни компании е долгорочниот пласман на светските пазари.

Препознавајќи ги овие тешкотии на компаниите, Skopje Design Week ќе организира дводневна работилница, на која ќе говорат двајца светски познати експерти, Хелмут Меркел и Уве Дитерсен. Едниот долгогодишен познавач на индустријата за мебел во Германија и консултант за врвни светски мебел призводители, а другиот со долгогодишно менаџерска позиција на саемот за мебел ИММ Келн (IMM Cologne). Со други зборови, во Скопје ќе се појави кремот на мебел индустријата во светот.

Двоеднавната работилница која ќе се одржи во период 22. – 23. ноември, е наменета за менеџмент на компании производители на мебел, кои сакаат своите производи успешно да ги понудат на светските пазари, сакаат да склучат договори со клучни дистрибутери во индустријата на мебел и сакаат да дознаат кој е патот до успешен саемски настап, но и како може да се избегнат непредвидените трошоци – соопшти Александар Велиновски, директор на Јавна соба, домаќин на овогодишниот Skopje Design Week.

Саемот ИММ Келн е најважниот саем за мебел во светот на кој 1.200 изложувачи од 50 држави ширум светот ги претставуваат најновите трендови во индустријата за мебел и креативни решенија за живеење. Само 10% од македонските компании кои произведуваат мебел извезуваат во странство, поточно 5 фирми – соопшти Патрик Мартенс, директор на Делегацијата на германското стопанство во Македонија.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Омиленото Битолско млеко со 10 витамини ја поддржа детската трка „Охрид трчаТ“

Редакција

Со бербата на грозјето Шардоне продолжува традицијата на производство на вино од Скопското виногорје

Редакција

Започнува пријавувањето за Skopje Run 10K – Одберете го својот омилен стартен број

Редакција