еМагазин
Image default
Бизнис ТОП СТОРИИ

Германската „Веридос“ ќе ги печати новите пасоши на граѓаните на Северна Македонија

Владата на последната седница разгледувала информација во врска со потребата од склучување на нов рамковен договор меѓу Министерството за внатрешни работи на Република Македонија (МВР) и „Veridos-GMBH“ со кој се предвидува оваа германска компанија да ги печати новите пасоши на граѓаните на Република Северна Македонија, потврдуваат од Владата за еМагазин.

За еМагазин од Владата велат дека станува збор за двогодишен договор.

Се работи за компанија која ги печатеше обрасците за возачки дозволи уште за време на поранешната владејчка гарнитура.

Инаку, Оливер Спасовски, додека беше технички министер за внатрешни работи одржа прес-конференција на која информира дека формирал посебна комисија во МВР со цел да испита зошто во магацините на министерството има 70.000 возачки дозволи со погрешни сериски броеви.

Од германската компанија тогаш соопштија дека пропустот бил ненамерно направен и дека спорните обрасци бесплатно ќе бидат заменети.

еМагазин го контактираше и МВР од каде побара објаснување дали станува збор за нов договор или продолжување на постоечкиот. До објавување на информацијата не добивме повратен одговор.

ПОВРЗАНИ ВЕСТИ

(Фото) Во пасошите почнаа да се става печатот со појаснување дека припаѓаат на Северна Македонија

На излез од земјата ќе се става печат со појаснување дека патните исправи се на Република Северна Македонија

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Општина Ѓорче Петров вработува 13 лица, плата до 37.631 денари

Редакција

(Фото) Кои се најдобрите ресторани во Скопје

Редакција

Училиште „Братство единство“ во Дебар сега е „Пенестија“, а „Здравко Чочковски“ се вика „28 ноември“, според денот на албанското знаме

Редакција