еМагазин
Image default
БЕНЧМАРК

Германскиот амбасадор во Србија: Наскоро ќе биде познат датумот за почеток на преговорите со Северна Македонија

Германскиот амбасадор во Србија, Томас Шиб денеска изрази надеж дека наскоро ќе биде познат датумот на почеток на преговарачкиот процес за членство меѓу ЕУ и Северна Македонија.

– Заради интензивното усогласување, помеѓу останатато и во Германија, донесувањето одлука за датумот за почеток на преговорите е пролонгиран до октомври. Германија го поздравува големото државничко постигнување на Северна Македонија и Грција, кои по толку време успеаја да постигнат договор и да го решат прашањето за името на Северна Македонија и затоа се надеваме дека земјата многу брзо ќе ги започне преговорите, изјави Шиб.

Германскиот амбасадор, како што јави дописникот на МИА од Белград, изјави дека ставот на Берлин е дека приемот на нови членки и реформите во ЕУ се два одвоени процеси што треба да се одвиват паралелно.

– Внатрешните рефрми во ЕУ ќе се случуваат се додека таа постои, со цел таа да се подобри и да се адаптира на новите услови. Тое е постојан процес, кој не го спречува приемот на нови членки, под услов земјите кандидати да ги исполнат сите услови. Србија спроведува тешки реформи што ќе потраат, а ЕУ спроведува свои реформи и во еден момент Србија ќе и пристапи кон ЕУ. Тоа се процеси кои се одвиваат истовремено, а не еден по друг, истакна германскиот амбасадор.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Националната економија во пресрет на ЕУ – предизвици и искуства

Редакција

Македонија го започнува процесот на скрининг за преговорите со ЕУ

Редакција

Еуростат: Македонија и Србија со најголем раст на туристички ноќевања во ЕУ

Редакција