Горивата од ноќеска на полноќ поевтинуваат од половина до 1,5 денари по литар, одлучи денеска Регулаторната комисија за енергетика и водни услуги (РКЕ).
Малопродажната цена на бензините „еуросупер БС-95“ и „еуросупер БС-98“ се намалува за половина денар за литар. Цената на „еуросупер БС-95“ ќе изнесува 48 денари за литар, а за „еуросупер БС-98“ ќе изнесува 50 денари.
„Еуродизел“ поевтинува за еден денар за литар и ќе чини 45 денари, додека цената на екстра лесното масло за домаќинство се намалува за 1,50 денари за литар и ќе изнесува 33,50 денари.
Со одлуката се врши намалување на малопродажните цени на нафтените деривати во прoсек за 2,67 отсто.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.