Контроверзниот реис на Исламската верска заедница Сулејман Реџепи не престанува да ја изненадува јавноста со своите непромислени изјави каква што беше неодамнешната закана до Владата на Исламската верска заедница (ИВЗ) да ѝ го даде делот од помошта што ѝ следува, бидејќи во спротивно може да ги повлече апелите да не се посетуваат верските објекти.
„Ситуацијата ќе излезе од контрола и овде ќе стане Бангладеш“, рече Реџепи.
Во време кога Македонија се соочува со криза од невидени размери, првиот човек на ИВЗ си дозволи да користи закани за да добие државна помош, што е недозволиво од етички, морален и верски аспект.
Освен тоа, Реџепи би требало да знае дека доколку ја реализира заканата може да се соочи со кривична одговорност и затворска казна, бидејќи согласно македонските закони постојат санкции за намерно изложување на населението на зараза при епидемија односно за загрозување на здравјето на граѓаните.
Истовремено, како една од инстиутциите на поголемите верски заедници во земјава, ИВЗ, исто како и МПЦ треба да најдат сили и да понудат помош за справување со кризата со оглед на тоа што станува збор за правни лица кои располагаат со имоти тешки милиони евра.
Нели, милосрдието и помошта кон немоќните треба да се одлика на религиските организации кога на верниците тоа им е најпотребно.
Затоа наместо закани, понудете рака и помош за најсиромашните полесно да ја пребродат кризата предизвикана од корона вирусот.
ПОВРЗАНИ ВЕСТИ
ИВЗ и Сулејман Реџепи и се заканувале на Владата
Господине Сулејман Реџепи, Алах не оправдува касапење на новинари
Фото: Фејсбук/Реџепи