еМагазин
Image default
Македонија

Граѓани покренаа петиција против забраната за движење во шума

Граѓани преку онлајн платформата change.org покренаа петиција против забраната за движење во шума и на шумско земјиште од 6 до 20 часот, која започнува да важи од денеска и ќе трае се до нејзино отповикување.

Забраната е воведена од Министерството за земјоделство, а по предлог на ЈП „Национални шуми“ со образложение дека постои зголемена опасност од пожари.

Граѓаните кои ја покренаа петицијата јавно се обратија до министерот за земјоделство водостопанство и шумарство, Трајан Димковски, и директорот на ЈП „Национални шуми“, Зоран Ѓорѓиев.

„Каква е таа одлука и спроведување на истата преку ноќ без никакво излагање? Какви се овие забрани и ограничување на движење, основно човечко право без никаква реална основа? Природата е со влага, и април е месец кој беше проследен со обилни врнежи на дожд и снег – каква е таа опасност од пожари?

Дали реално постои друга причина за забраната? Свесни сте дека ова е дополнителен притисок и ограничување кои ни ги нанесувате и ги предизвикувате. За која цел е реално донесена оваа забрана? Во државата оперираат планинарски друштва и клубови некои од кои егзистираат од планинарски тури.

Дали некој ја предвидел нивната загуба? До кога оваа мерка би била на сила, дали некој размислува за тоа дека секое попладне и викенди илјадници жители се во природа? Дали е размислено за сите други негативни ефекти од ваква забрана, или преку ноќ е донесена и спроведена, особено во период кога сите седиме по дома затворени и не се изложуваме на премногу потребното сонце и чист воздух, особено сега?

Доколку постојат некои за сега неразјаснети ризици и цели, дали ваква мерка е „најлесна“ за спроведување, и тоа преку ноќ, дали затоа е донесена? Се шпекулираат неколку можни реални причини и сценарија. Дали размислувате за Вашиот личен интегритет како дел од ова општество како и тој на институциите кои ги претставувате со постапките и мерките кои ги носите?

Ако вие не сте љубители на планината и природата, има луѓе кои дишат во еден здив со неа. Револтот е огромен, и доколку не ја рагледате можноста за измена на одлуката и преиначување на истата со цел рекреативци и љубители на природата да можат слободно да циркулираат по шумите и во природа, ќе се организираме и ќе ја покренеме јавноста“, пишува во реакцијата.

Повеќе детали ТУКА.

ПОВРЗАНИ ВЕСТИ

Во црква може, во шума не може: Чудната логика предизвика „социјален пожар“

Попусто полициски час ако верниците ги преплават црквите пред Велигден

Отец Пимен: Немате слушнато дека може да се причестуваме без пост и кога ќе спласне пикот на короната?

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

САД и Германија задоволни од исходот во македонското Собрание

Редакција

(Аудио) Во нова „бомба“ за Заев се споменува адвокатот Димишков

Редакција

Бројот на заболени здравствени работници во Македонија порасна на 57

Редакција