еМагазин
Image default
ЧИСТА ОКОЛИНА

Град Скопје ќе субвенционира клима-уреди

Град Скопје првпат досега распишува јавен повик за субвенционирање на инвертер клима уреди и други современи уреди за затоплување на домаќинствата.

-За секој купен инвертер клима уред, секој заинтересиран граѓанин кој ќе ги исполни условите за субвенционирање ќе има можност да добие половина од вкупната вредност на уредот, но не повеќе од 15.000 денари, рече на денешната прес-конференција скопскиот градоначалник Петре Шилегов.

За оваа намена во буџетот на градот предвидени се 20 милиони денари, а тоа значи дека повеќе од 1.300 домаќинства од годинава ќе добијат можност евтино да ги затоплуваат своите домови, водејќи грижа за намалување на аерозагадувањето.

Предноста на инвертер клима уредите се соостои во тоа што трошат околу 30 отсто помалку електрична енергија од обичните клима уреди, а повеќе од 50 отсто ги намалуваат и трошоците во однос на греењето со огревно дрво.

Според анализите на Град Скопје, интересот кај граѓаните за набавка на посовремени уреди за затоплување е голем и поради тоа се одлучиле за субвенционирање на овие уреди и за да ги намалат трошоците  на граѓаните.

Огласот за субвенционирање, како што најави градоначалникот, ќе биде објавен најдоцна до понеделник.

Фото: Град Скопје

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Еколошка катастрофа во Струга: Намерно ја палат трската за да можат да градат

Никола Осило

Рудник САСА применува најсовремени практики и стандарди за заштита на животната средина

Редакција

(Фото) Црн облак се надвисна врз Скопје – градот кандидат за зелена престолнина

Никола Осило