еМагазин
Image default
ДОБРОСОСЕДСТВО

Граничниот премин „Маркова нога“ ќе биде отворен до 2023 година

До 2023 година треба да биде отворен граничниот премин „Маркова нога“ меѓу Македонија и Грција, а целиот проект, вклучувајќи ги сите неопходни инфраструктурни активности, се проценува дека ќе чини 4,6 милиони евра, соопшти денеска владиниот портпарол Миле Бошњаковски.

Според него, допрва ќе се прецизира како ќе работи овој граничен премин, дали исто како останатите, но извесно е дека ќе располага со потребната инфраструктура.

– Средствата за граничниот премин ќе бидат обезбедени преку билатералната програма за прекугранична соработка 2014-2020 година, информира Бошњаковски.

Во врска со владината одлука за измени на Законот за здравствена заштита и благосостојба на животните, портпаролот најави дека тие ќе бидат донесени во најкус можен рок, притоа непрецизирајќи дали се работи за неколку месеци, година, две или повеќе.

– За законските измени ќе се формира вид експертаки тим од МЗШВ, АХВ, општините, но и невладините граѓански организации, а целта е што побрзо да се донесе хумано, цивилизирано решение за бездомните кучиња, потенцира Бошњаковски.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Договори за кофинансирање грантови за прекуграничка соработка меѓу Македонија и Грција

Редакција

Благодатниот оган пристигна на аеродромот во Скопје со бугарскиот владин авион

Редакција

Македонија и Косово потпишаа договор за меѓусебно признавање на возачките дозволи

Редакција