Грчката авиокомпанија „Ејџијан Ерлајнс“ денеска до македонските воздухопловни власти доставила барање за одобрување на летови во зимската сезона, но по два часа го повлекла, објави Независен.
Според првичното барање, „Ејџијан“ би летала на релација Атина – Скопје – Атина, во вторник и четврток.
„Нема образложение за повлекувањето на барањето“, велат за Независен од Агенцијата за цивилно воздухопловство.
„Ајџијан“ побарала да почне да лета на 1. ноември. Летовите во четврток би биле попладневни, од Атина би полетувале во 16,40 со слетување во Скопје во 17,55 часот. Во 18,25 би бил летот за Атина, со слетување во 19,40 часот.
Летовите во вторник се утрински, со полетување од Атина во 7 часот а слетување во Скопје во 8,15. Потоа, од Скопје би полетувале во 8,45 и слетувањето во Атина би било во 10 часот.
ПОВРЗАНИ ВЕСТИ
Директна авионска линија Атина-Скопје-Атина од 1 ноември