еМагазин
Image default
Македонија

Грчката Влада: Ќе биде навистина штета доколку се загуби оваа голема шанса

Грчката Влада внимателно следи што се случува во соседната земја и ги поддржува напорите за целиот процес да оди напред, затоа што ќе биде штета ако се загуби оваа шанса, вели министерот без ресор на Грција и портпарол на Владата, Димитрис Ѕанакопулос во интервју за радиото „Сто кокино“.

– Постојат политички опции што може да ги направи господинот Заев, кои би одвеле до уставна ревизија. Но, јас во овој момент не сакам да ги коментирам внатрешно-политичките случувања. Постои силна политичка сила во соседната земја што се обврзува да направи напори со секое средство што го има на располагање за исполнување на суштинските предуслови, односно ревизија на Уставот и ние тоа и го поздравуваме и го пофалуваме. Тесно го следиме и го поддржуваме овој голем напор за целиот овој процес да оди напред и да не се загуби една голема шанса, една ваква голема шанса, бидејќи ќе биде навистина штета, рече портпаролот на грчката Влада.

Како што јави дописничката на МИА од Атина, Ѕанакопулос неколкупати повтори дека не сака да ги коментира внатрешно-политичките случувања кај нас и објасни дека „Заев изјавил дека нема да се откаже од обидите, Договорот од Преспа да стапи во сила“.

– Она што останува да го видиме е временскиот период за исполнување на суштинските предуслови, односно ревизија на Уставот што е централниот услов за и грчката страна да продолжи кон ратификација на договорот и да стапи во сила, рече Ѕанакопулос.

МИА/Фото:Влада на РМ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев не слушнал за новите „бомби“

Редакција

Поради отсуство на Шабани, „Тендери“ на СЈО одложено за 9 ноември

Редакција

Села ја откажа средбата со Заев поради одземените надлежности на Таравари

Редакција