еМагазин
Image default
НАША ТЕМА ТОП СТОРИИ

Грците ги лажат дека Заев е Албанец и дека ќе се смени името на хотелот „Македонија палас“

Како и кај нас, така и во Грција и пред потпишувањето на Договорот од Преспа, а посебно по неговото стапување во сила се шират бројни шпекулации, полувистини и лажни вести за тоа што предвидува истиот, јавува дописникот на еМагазин од Солун.

Така на пример во јавноста, колку и да звучи неверојатно се шири информација дека еден од најпознатите хотели во Солун, „Македонија палас„ сега ќе го смени името, што нема никаква врска со тоа што предвидува Договорот. Или дека грчка Македонија ќе стане Јужна Македонија.

Од лажните вести не е поштеден и македонскиот премиер Зоран Заев, кој токму во овој хотел пред неколку години ја чекаше Новата Година.

За него не само на социјалните мрежи и во секојдневната комуникација, може да се слушнат бројни лажни вести и шпекулации дури и на телевизија, а едната од нив е дека тој всушност е Албанец, јавува дописникот на еМагазин од Солун.

Тоа што Грците многу малку знаат за Договорот, како и Македонците, иако истиот е достапен за секој, дополнително ги вжештува работите, а причина плус е и фактот што Грците многу малку знаат за Македонија, за разлика од Македонците кои се чести гости овде.

Најзагрижени се трговците и бизнисмените кои се плашат за судбината на имињата на нивните фирми и производи кои го имаат името Македонија или придавката македонски и кои доаѓаат од грчка Македонија.

Работите во оваа сфера допрва ќе се договораат помеѓу двете земји, па во оваа сфера се и најбројните шпекулации и лажни вести, кои се шират молскавично.

Така да периодот невообичаено, рекламата за македонска алва може да се види насекаде.

Бројни шпекулации и лажни вести има и за македонското малцинство кое живее во Грција.

ПОВРЗАНИ ВЕСТИ

(ВИДЕО) Грчки војник стана топ тема во Грција, оти скокајќи со падобран пееше националистичка песна за Македонија

„Скопјанецот“ Димитров, за грчките медиуми не сме веќе БЈРМ, сега сме само „Скопје“, а Македонците се „Скопјани“

Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ГМО-лобито ја „превоспитува“ Владата?

Никола Осило

„Този фашист не е фашист“: Твитер реакции за условите на Бугарија за Македонија за членство во ЕУ

Редакција

(Фото) Бовин, првата приватна винарија во Македонија прослави 20 години

Редакција