Поранешниот премиер и лидер на ВМРО-ДПМНЕ Никола Груевски ја оцени како „политички притисок и политички прогон“ одлуката на Апелацискиот суд да му ја потврди првостепената затворска пресуда за случајот „Тенк“.
– Како што знаете станува збор за политички прогон, за политички монтиран процес што се тера. Единствено нешто што се промени од мојата прес-конференција во Собранието е што одложија за после референдумот наместо пред него, изјави Груевски на паузата од днешеното рочиште за предметот „Титаник“ во Кривичниот суд, во кој тој исто така е обвинет.
Обвини дека се врши политички притисок врз судот, пососчувајќи на изјава на в.д. претседателката на Апелација дека требало да се потврди неговата пресуда.
– Станува збор за класичен политички прогон, за обвиненја дека сум влијалел да се купи возило со цел покрај другите и јас да се возам со него, рече Груевски.
Кажа дека се уште не го добил решението и дека ќе ги искористи сите правни лекови кои му се на располагање.
Апелацискиот суд денеска ја одби жалбата на Груевски на првостепената пресуда и му ја потврди казната од две години затвор за предметот „Тенк’ односно за набавката на луксузниот „мецедес“ вреден над 600 илјади евра.
МИА/Фото: Фејсбук/Груевски
ПОВРЗАНИ ВЕСТИ
Основен суд Скопје 1: Груевски е должен доброволно да се јави на издржување на казната затвор
Груевски нема да ги подржи уставните измени предвидени со договорот за името
Апелација потврди: 2 години затвор за Груевски