Поранешниот македонски премиер, Никола Груевски кој избега во Унгарија, каде доби политички азил во интервју за телевизијата Сител рече дека бил решен да оди во затвор, но добил информации од луѓе во затворот дека ќе биде ликвидиран.
“Најпрвин бев со намера доколку власта оди до крај, а се гледаше дека ќе оди до крај, да влезам во затвор, иако неправедно бев политички прогонуван, иако со тотално луди пресуди кои немат никаква правна основа. Но во последните денови добив одредени информации кои укажуваа на веројатно планирана моја ликвидација во затворот„, рече Груевски.
Информациите за негова ликвидација, како што рече, ги добил „од добро информирани лица од внатре“, но не можел јавно да каже кој стои зад ликвидацијата од причина што не можел во моментов да го докаже.
“Не можам да го кажам тоа јавно од причина што не можам во моментов да го докажам. За да обвините некого треба да имате цврсти докази, но имав сигурни сознанија од сигурни лица, така што ја променив одлуката и одлучив да заминам од Македонија и да побарам азил заради политички прогон“, рече Груевски.
ПОВРЗАНИ ВЕСТИ
„Еден ден ќе се вратам“, порача Груевски
Груевски во Будимпешта живеел кај пријатели
Власта не ми помогна да избегам, вели Груевски
Груевски на телевизија објасни како избегал, ама не кажа како ја напуштил Македонија
Фото: Фејсбук/Груевски