еМагазин
Image default
Македонија

Груевски се жали дека му се суди политички, утре не оди во Апелација

Никола Груевски денеска од прес-конференција во Собранието на РМ најави дека утре нема да се појави во Апелацискиот суд, а на седницата за „Тенк“ нема да присуствуваат ниту неговите адвокати зашто, како што рече, и онака одлуката е политички веќе донесена.

Груевски обвини дека власта води политичка хајка против него, а судиите се професионални, но работат, како што рече, под притисок.

– Ниту јас, ниту моите адвокти нема да се појавиме утре на седница. И нивното присуството во Апелација не може ништо да промени. Никакви правни аргументи не се доволни на однапред политички договорена пресуда и однапред донесена политичка одлука. Ако судиите се толку исплашени и подлегнале на политичка нарачка, ете им можност без мене да донесат каква сакаат пресуда. Ниту едно незаконско ставање во затвор нема да ги избрише од меморијата на граѓаните делата кои сум ги направил за оваа држава и овој народ, за бранењето на државните интереси, истакна Груевски.

Ќе дојде време, дополни, кога народот ќе си ја врати власта во свои раце и кога ќе се преиспитаат ваквите одлуки.

– Мене не ме суди судот, туку политиката. Се ќе се издржи и ќе помине, но нема да се заборави. Судството ме товари зашто бев водач на ВМРО-ДПМНЕ и зашто на некого му пречам. Судиите се професионални и стручни, но работат под голем притисок, а некои се блиски и до Зоран Заев, укажа Груевски.

Се пожали и дека во петокот му бил закажан термин за седница кога сите негови адвокати учествувале на рочиште за „27 април“, а тој сам во Апелација поминал 11 часа. 

МИА/фото: Груевски/Фејсбук

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев до Груевски: Нека се врати дома, помош за државата е и кога ќе си ја отслужиш казната

Редакција

На барање на директорот на АНБ, Димовски, седницата за Онишченко затворена за јавноста

Редакција

Пендаровски и претседателите на НАТО земји-членки со заедничка изјава: Никогаш нема да ги признаеме руските обиди за анектирање на која било украинска територија

Редакција