еМагазин
Image default
БЕНЧМАРК

Хан: Македонија може да им се придружи на Србија и Црна Гора на патот кон ЕУ

Еврокомесарот за проширување и добрососедска политика, Јоханес Хан, оценува дека Македонија може да им се придружи на Србија и Црна Гора, кои веќе се наоѓаат на евроинтеграцискиот пат и кои веќе ги почнаа преговорите за пристапуваање кон ЕУ.

-Државите од Западниот Балкан се уште се слаби и проширувањето на ЕУ е единствениот начин за мирна стабилизација на регионот. Но, кога тие ќе пристапат кон ЕУ не можам да дадам точна проценка, рече Хан во интервју за германскиот весник „Ханделсбад“.

Во однос на исполнувањето на критериумите за пристапување, Србија и Црна Гора се најблиску, но, оцени Хан, по решавањето на спорот со Грција околу името, Македонија има добри шанси да продолжи напред.

Иако не постои прецизен датум, смета еврокомесарот, сепак 2025 година е ориентациската цел од страна на Европската комисија како потенцијален датум на пристапување на земјите со најголем напредок во регионите од Западен Балкан.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Грчките медиуми за извештајот на ЕК за Македонија

Редакција

Советот на Европа официјално ја заведе земјата под Северна Македонија

Редакција

Владата ќе бара и кадар за преговори со ЕУ надвор од институциите

Никола Осило