еМагазин
Image default
Локално

Хорор во Велес: Јa пречекал пред домот и ја силувал поранешната сопруга

Основното јавно обвинителство Велес донело наредба за спроведување истражна постапка против едно лице на возраст од 32 години поради постоење на основано сомневање дека сторил кривично дело – силување.

Како што соопшти Јавното обвинителство, осомничениот на 9-ти овој месец ја присилил на обљуба својата поранешна сопруга. Тој ја чекал оштетената во влезот од зградата каде таа живее и кога ја отклучила влезната врата од својот стан, ја фатил за раката и насилно ја внесол во дневната соба.

Потоа ја турнал на креветот, ја влечел за коса и ја стегал за вратот, велејќи и дека ќе има сексуален однос со неа „милум или силум“. Кога оштетената одбила да се соблече, осомничениот и ја скинал кошулата и извршил обљуба врз неа, совладувајќи го нејзиниот отпор изразен во удари со нозете по градите и рамената.

„Имајќи предвид дека по извршеното кривично дело осомничениот го напуштил своето живеалиште и бил отсутен се до следниот ден, можноста поради заедничкото дете да стапи во контакти со оштетената и да влијае врз истата или да го повтори кривичното дело, до судија на претходна постапка на Основен суд Велес е доставен предлог за определување на мерка притвор против осомничениот. Предлогот на надлежниот јавен обвинител е прифатен, па на осомничениот му е изречена мерка притвор во траење од 30 дена“, се наведува во соопштението од Обвинителството.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Во пожар во гаражата на Основниот суд во Струмица изгоре новиот автомобил на судот

Редакција

Се тепале тројца на еден пред обложувалница во Скопје

Редакција

Криумчарењето зема замав: Во два одвоени случаи пронајдени 148 мигранти

Редакција