еМагазин
Image default
Македонија ТОП СТОРИИ

И Германија даде согласност за прием на Македонија во НАТО

Германската Влада даде согласност за прием на Македонија во НАТО и ќе се заложи овој процес да заврши што е можно побрзо.

Во соопштението на Владата во Берлин се нагласува дека влезот на земјава во НАТО ќе даде важен придонес за безбедноста во евроатлантскиот простор, а исто така ќе обезбеди и важен импулс за натамошна стабилизација на регионот на Западниот Балкан.

– Историски момент. На 17 јуни 2018 година со Преспанскиот договор, Атина и Скопје ставија крај на 25-годишниот спор за името на поранешната југословенска република. Основата е поставена за приклучување на Република Северна Македонија во НАТО. Во февруари земјите-членки ќе го потпишат Протоколот за пристапување кон Вашингтонскиот договор, се нагласува во соопштението.

Германската Влада ќе се залага за брзо усвојување на Протоколот, со цел формалното пристапување да може да се случи до крајот на следниот месец.

Во соопштението се додава дека „Северна Македонија на надворешно-политички план игра конструктивна улога во Западен Балкан“.

-Тоа стана особено видливо во нејзината подготвеност да се согласи за промена на името во преговорите со Грција во јуни 2018 година од Македонија во Северна Македонија, се нагласува во соопштението на германската Влада.

Германската Влада потсетува дека откако во јуни минатата година беше постигнат Договорот од Преспа, на 12 јули лани шефовите на држави и влади на земјите-членки на НАТО и дадоа покана на Владата во Скопје за почеток на претпристапните разговори. Македонското Собрание, додава Владата во Берлин, на 11 јануари ги усвои уставните измени, а неодамна Договорот беше ратификуван и од грчкиот Парламент.

-Пристапувањето исто така ќе даде голем придонес кон унапредување на вредностите на трансатлантската заедница. Изминатите години Северна Македонија амбициозно го реформира безбедносниот сектор и направи голем прогрес во областите на владеењето на правото и демократијата. Македонската Влада се заложи дека ќе продолжи со спроведувањето на реформите, се наведува вп соопштението од Владата во Берлин.

МИА/Фото: Влада

ПОВРЗАНИ ВЕСТИ

Бугарија прва даде виза за прием на Македонија во НАТО

Еурактив: Грција прва ќе го ратификува Протоколот за членство на Македонија во НАТО, на 8 февруари

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

СЈО препорача куќен притвор и за Сашо Мијалков

Никола Осило

Британскиот премиер Борис Џонсон префрлен на интензивна нега

Редакција

Изолација и коронавирусот: Зошто прекумерно гледаме серии и дали е тоа добро за нас

Редакција