еМагазин
Image default
ТОП СТОРИИ ЧИСТА ОКОЛИНА

Не се дише, Кавадарци се гуши

Не се дише, Кавадарци се гуши. Вака реагираа синоќа кавадарчани откако концентрацијата на ПМ 10 честичките ја достигна вредноста од 425 микрограми на кубен метар, или околу десет пати повеќе од дозволеното.

-Треба да се преземат интервентни мерки, немаме прочитано или чуено некој да добил глоба. Препорачуваме забрана за градежни активности од поголем обем, миење на улиците два пати дневно, привремена забрана за транзит на тешки товарни возила низ градот, инспекциски служби постојано на терен, дежурен телефонски број за пријавување на забележани загадувачи. Тоа единствено можат сега, кога немало активно дејствување во минатото, велат за МИА активистите од групата “Еко-аларм”.

Јованче Колев, инспектор за животна средина во општината, вели дека интензивно се работи на откривање на загадувачите со мобилни редовни и вонредни контроли на терен.

-Имаме изречено неколку опомени, но и прекршочни казни. Загадувачи има и меѓу фирмите и меѓу граѓаните. Забележавме дека несовесни горат гума и  пластика на отворено, палат несоодветни средства на јавни површини, во грејни тела користат несоодветни горива што придонесуваат за зголемено загадување, како прегорено уље и остатоци од борови дрва и слично, нагласи Колев за МИА.

Вечерва, во 18 часот,  Еколошкото друштво “Еко-живот” во соработка со општина Кавадарци, градоначалникот Митко Јанчев и регионалната Стопанска комора, ќе одржи презентација на почеток на изработка на Локален еколошки акциски план,  кој е, како што велат екологистите, повеќе од потребен за Кавадарци.

-Поканети се сите заинтересирани правни и физички лица да присуствуваат на презентацијата.

МИА/Фото: Општина Кавадарци

ПОВРЗАНИ ВЕСТИ

Твитер „гневен“ за загадувањето: „Со влакната во носот против ПМ честички“

(Видео) Отровен воздух во Скопје: „Ако не сака Владата сами ќе го мериме загадувањето“

Скопјани и Тетовчани мазохисти, уживаат да се гушат во загадениот воздух

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

По исчезнувањето на неколку лица во Скопје: На социјалните мрежи се шири паника за сериски убиец и трговци со органи

Редакција

Што го чека Груевски во затвор: Туширање еднаш неделно, наутро треба да си го мести креветот, да прави генералка на собата во сабота…

Редакција

Заев, Анѓушев, Крешник ќе одат на самитот во Давос

Редакција