еМагазин
Image default
Македонија ТОП СТОРИИ

Судење за „Рекет“: И Кичеец го снимал Боки 13

На денешното рочиште за „Рекет“ на кое продолжи презентацијата на материјални докази од страна на Обвинителството за гонење на организиран криминал и корупција, беа презентирани и аудио-снимки од третообвинетиот во случајот, Зоран Милески-Кичеец, кој ја призна вината и доби три години затвор.

Во снимките со послаб квалитет од тие на бизнисменот Орце Камчев и со шумови, тој разговара со сопругата на Камчев, Ана Камчева, и двајцата сведоци во „Рекет“ и првообвинетиот Бојан Јовановски-Боки 13.

По барање на обвинителката Вилма Рускоска, јавноста не ги слушна овие разговори, бидејќи имало приватни работи.

Второобвинетата, поранешната специјална обвинителка, Катица Јанева и Боки 13, реагираа на нејзината одлука и побараа јавноста да не биде исклучена за да може јасно да се види кој нуди поткуп и кој нудел рекет.

„Од снимките се виде дека никој не разговарал за рекет кога бил во притвор Орце Камчев, а во делот кога нуделе поткуп баш тие разговори не сакате да ги изведете. Од таму почнува приказната за мојата одбрана и мислам дека ми е нарушено правото што не се дозволува да се изведат“, рече Јанева.

На крај дојде и до судир на поранешните колешки, Русковска и Јанева.

Случајот „Рекет”, го води Кривични совет предводен од судијката Васка Николовска-Масевска, а обвинението го застапува шефицата на Обвинителството за борба против организираниот криминал и корупција, Вилма Рускоска.

Јовановски се сомничи дека сторил кривично дело „перење пари и други приноси од казниво дело“, а Јанева и Милески за „примање награда за противзаконито влијание“.

Јанева се товари и дека сторила и кривично дело „злоупотреба на службена положба и овластување“.

ПОВРЗАНИ ВЕСТИ

Судење за „Рекет“: Боки 13 и Камчев договарале операција за Јанева, ама не во Систина

Судење за „Рекет“: Боки 13 го советувал Камчев да признае дел од вината за „Империја„ и да плати оштета

Судење за „Рекет“: „Куферчево ти одговара со стајлингот, не бива у торба адидас да се“, му вели Камчев на Боки 13

Фото: МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Груевски хит на Твитер: „Го нема никаде, ко мајка ми да го кренала“

Редакција

„Лукоил“ го доби тендерот на МЕПСО за набавка на гориво

Никола Осило

Премиерот Заев го пријавил случајот „Рекет“ на 22 април годинава

Редакција