Граѓаните покренаа иницијатива да можат велосипедите да ги транспортираат со воз, бидејќи неколку години веќе е воведена забрана.
„Оваа иницијатива е граѓанска, согледувајќи ја нелогичноста во нашето општество да се залагаме за здрава животна средина, да промовираме екологија, а од друга страна да забрануваме транспорт на велосипеди со воз.
Неколку години наназад е воведена забраната за транспорт на велосипеди со воз. За разлика од современите европски и светски општества во кои толку силно се огледуваме и се стремиме кон нив, во практичниот живот целосно одиме во спротивен правец.
Во Хрватска, на пример, се субвенционира возната карта ако со себе имаш велосипед ( значи имаш помал износ за 10 или 20%).
Во Македонија треба да се молиш да дојде „Шпанецот“ па ако веќедојде, а сте група од 7 или повеќе велосипедисти, треба само 5-мина да се качат (останатите не смеат) и дополнително да платат 190 денари за велосипедска карта.
Наша иницијатива е слободен транспорт на велосипеди, редовна патничка карта за корисникот и симболичен надомест за велосипедот (50-60 денари)“, се вели во објаснувањето на оваа иницијатива.
Доколку ја поддржувате потпишете се на линкот ОВДЕ.