еМагазин
Image default
Бизнис

Истражување: МОН и МВР најнетранспаретни при јавните набавки

Ниту една институција не ги исполнува сите или барем доминантен дел од критериумите за транспарентност, отчетност и интегритет во сите фази од процесот на јавни набавки, покажува најновото истражување на Центарот за граѓански комуникации.

Најголем дел од институциите се рангирани во „ограниченото“ ниво, со исполнување на критериумите меѓу 40 и 60 проценти.

Најслабо рангирани се Министерството за образование и наука и Министерството за внатрешни работи, со исполнување на само 37 проценти од утврдените критериуми, додека најдобро рангирани се Секретаријатот за спроведување на рамковниот договор и Секретаријатот за европски прашања, кои исполнуваат 71 процент од критериумите.

Интересен е податокот дека највисоко рангираните институции трошат најмал дел од парите за јавни набавки, а институциите со најниска процентуална исполнетот на критериумите, трошат дури 39 проценти од вкупните средства за јавните набавки. Така, Министерството за образование и наука како најниско рангираната институција, има најголем обем на набавки.

ПОВРЗАНИ ВЕСТИ

Кај една третина тендери дискриминаторски услови за учество на компаниите

Само една понуда на третина од тендерите за јавни набавки

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Тиквеш“ купи винарница во Франција

Редакција

Раст на економијата од 3,5 проценти годинава предвидува Народна банка

Редакција

Тендер „тежок“ 13.700 евра: Основниот суд Струга купува патничко возило

Никола Осило