еМагазин
Image default
БЕСПАРИЦА ТОП СТОРИИ

Нови 25 илјади граѓани во Македонија втурнати во сиромаштија за време на Ковид кризата

Кризата предизвикана од Ковид-19 силно ги погоди нискодоходовните групи граѓани кои најчесто работат на нископлатени работни места или се дел од неформалната економија, примаат социјални трансфери или дознаки од странство покажала анализата на истражување спроведено од „Фајненс тинк“ – Институтот за економско истражување и политики – Скопје.

Анализата покажала и дека поради пандемијата, стапката на релативна сиромаштија во земјава ќе се зголеми за 1,2 процентни поени, што значи дека нови 25 илјади лица се втурнати во сиромаштија за време на Ковид кризата.

-Резултатите за апсолутната сиромаштија се позагрижувачки и укажуваат дека заради кризата, нови 100 илјади лица ќе живеат со помалку од 5.5 долари (според паритет на куповна сила) односно 126 денари на ден, се вели во соопштението од Институтот.

Во него се додава дека една од владините мерки насочени кон зачувување на животниот стандард на најранливото население била олеснување на критериумите за стекнување гарантирана минимална помош, што според истражувањето на Институтот, има потенцијал да извлече 24 илјади лица од екстремна сиромаштија што се дефинира како живот со помалку од 1.9 долари (44 денари) на ден.

До јули годинава, потенцијалот е искористен само 65 отсто, што значи дека уште 9 илјади лица имаат можност да влезат во системот на ГМА и да излезат од екстремна сиромаштија.

-За таа цел, потребен е понатамошен напор од Владата за соодветно информирање на населението за новите критериуми за стекнување право на оваа помош.

Дополнително, им предлагаме на носителите на политики, олеснетите услови за стекнување гарантирана минимална помош да продолжат да важат и во 2021 година, и да се воведе времен додаток на гарантираната минимална помош и времено дополнително олеснување на доходниот услов, со цел да се опфатат, покрај најсиромашните, и дел од ранливите слоеви од населението, препорачуваат од Finance Think – Институтот за економско истражување и политики – Скопје.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Мега тендер: ЕСМ склучи договор со Марковски компани, вреден 46 милиони евра

Редакција

„Нема скара, нема мир“: Угостителите и туристичките работници на протест побараа еднократна финансиска помош за да продолжат со работата

Редакција

На продажба уште три станови и гаража на Мијалков проценети на 330 илјади евра

Редакција