еМагазин
Image default
Македонија

Иванов: Ниту е побарана, ниту одржана средба со посредник на Миле Јанакиески

Ниту е побарана, ниту одржана средба со посредник на Миле Јанакиески, како што е наведено во службената белешка на УБК, класифицирана „строго доверливо“, а која е основ за определување на мерката притвор, велат од кабинетот на претседателот Ѓорге Иванов, по објавата на решението на Основниот суд Скопје 1 за определување на мерка притвор за Јанакиески.

„Миле Јанакиески телефонски побара средба со претседателот Иванов која е одржана на 13.11.2018 година, вторник во 16 часот во кабинетот на претседателот на Република Македонија. На средбата, воопшто не беа дискутирани темите амнестија, на која се повикува судот во решението за притвор, која е во надлежност на Собранието на Република Македонија, ниту пак темата аболиција.

Сметаме дека станува збор за конструкција на лаги врз основа на претпоставки со цел да се инволвира претседателот на Република Македонија, видливо од јавно објавеното образложение на решението на Судот“, велат од претседателскиот кабинет.

Од таму додаваат дека ова претставува груба полициска манипулација и инволвирање на полициски службеници со што се извршени кривични дела злоупотреба на службена положба и овластување, фалсификување на исправа, употреба на исправа со невистинита содржина.

„Останува нејасно, врз основа на што се следат активностите на претседателот Иванов и неговиот Кабинет од страна на УБК? Очекуваме итни одговори од министерот за внатрешни работи, од директорот на УБК, од претседателот на Основниот суд Скопје 1 на дописите од Кабинетот на претседателот на Република Македонија коишто беа испратени денеска“, додаваат од кабинетот.

Фото: Кабиент на претседателот Иванов

ПОВРЗАНИ ВЕСТИ

Телма: Јанакиески барал, ама не добил амнестија од Иванов, па имал намера да бега

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Новиот косовски амбасадор во Македонија со навреди кон сите што беа против неговото именување

Редакција

Министерот сведочеше за насилството во Собрание: „Еден од присутните рече Спасовски го заклавме Села, сега на ред си ти, па Заев“

Редакција

Медиумите уште утре може да објавуваат резултати од анкети за изборите

Никола Осило