еМагазин
Image default
Локално

Избегната трагедија: Пожарникари извлекуваа возач од превртено возило

Четириесет и пет годишен жител на тетовско Рогачево беше извлекуван од страна на пожарникари од неговото возило, откако излетал и се превртел додека возел по регионалниот пат Тетово-Јажинце денеска после 12.00 часот.

Според првичните информации на тетовската полиција поради излетувањето тој се здобил и со телесни повреди, но останал контактибилен.

„Сообраќајната незгода се случила на патот Тетово-Јажинце околу пладне во атарот на село Беловиште. Поради засега неутврдени причини возилото марка „Пежо 307“ кое го управувал Б.Ј. (45) од Рогачево излетало од коловозната лента“, соопшти Марјан Јосифовски од СВР Тетово.

Возачот бил сам во возилото, а по извлекувањето е однесен во тетовската клиничка болница со возило на итната медицинска помош. Увид на местото започнаа да вршат јавен обвинител и екипа на СВР Тетово.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Тракторист загина во Арачиново, четворица повредени во несреќата

Редакција

Скопски моторџија тешко повреден во судар со автомобил

Редакција

Крадец во Прилеп украл мобилни телефони вредни над 5.000 евра

Редакција