Пожарот кај населбата Пинтија е изгаснат, информираат утринава од Територијалната противпожарна единица на Град Скопје.
Пожарот избувна вчера околу 11:30 часот во шумскиоит реон над Пинтија и зафати поголема површина мешана шума.
Во гаснењето на огнот беа вклучени и авионите на Дирекцијата за заштита и спасување кои направија два прелети и фрлија вода кон Сопиште, каде се ширеше пожарот. Беше вклучен и градоначалникот на Кисела Вода Филип Темелковски со претставници од Општината и месното население.
Според информациите од Територијалната противпожарна единица на Град Скопје, во моментот на територија на градот нема активни пожари.
ПОВРЗАНИ ВЕСТИ
Скопје под огнена опсада: Пожар во близина на фабрика за пиротехнички средства во Сопиште
Пожари му се закануваат на Скопје: Гори во близина на Пинтија и над Арачиново