еМагазин
Image default
БАШ НИ Е ЌЕФ

Изработени се првите 35.000 домашни платежни картички од НЛБ Банка

НЛБ Банка започна со процесот на издавање на домашните платежни картички и веќе се изработени првите 35.000 картички и истите се во фаза на дистрибуција.

Од Банката информираат дека сите корисници на финансиска поддршка, кои се распределени во НЛБ Банка, по изработка на домашната платежна картичка, ќе добијат СМС известување дека картичката е изработена и ќе им биде лично доставена на домашната адреса.

За точна и навремена достава на картичката, НЛБ Банка ги повикува сите клиенти кои сè уште не ги ажурирале своите податоци, да го сторат тоа во најкус можен рок, преку веб страницата на Банката на линкот nlb.mk и да ги внесат потребните  податоци.

Воедно, по добивање на картичката клиентите ќе можат да ги следат сите свои реализирани трансакции и да имаат увид во состојбата на нивната картичка преку НЛБ мКлик мобилното банкарство кое може да го преземат и користат без дополнителни трошоци и надоместоци.

НЛБ Банката  ја поддржува оваа иницијатива на Владата со изработка и издавање на 113.000 картички. Издавањето на картичките ќе се одвива етапно, а крајниот рок, поставен во Уредбата на владата на Р. Северна Македонија, за издавање на картичките е 18 јули 2020 година.

Граѓаните корисници на оваа платежна картичка ќе можат да ги користат средствата до 15 август 2020 година за купување на македонски производи.

За повеќе информации во врска со домашната платежна картичка, граѓаните можат да се обратат на телефонскиот број 02/ 15 600 и на e-mail: info@nlb или директно да ја контактираат Банката преку нивните социјални мрежи.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нов пивски бренд во портфолиото на Пивара Скопје – Heineken 0.0 безалкохолно пиво

Редакција

Веро е добитник на наградата Best Buy за најдобар однос на цена и квалитет

Редакција

Еуролинк осигурување додели 30 стипендии за студентите од Правниот факултет „Јустинијан Први“ во вкупна вредност од 1.600.000 денари

Редакција