еМагазин
Image default
ЖИВОТ

Како да се заштитите од сонцето: Во следните два дена температури од жолта фаза

Според информациите од Управата за хидрометеоролошки работи, во текот на следните два дена целата држава ќе биде зафатена со температури од жолта (алертна) фаза.

Комисијата за следење на состојбата и ефектите од високите температури, во рамки на Министерството за здравство апелира граѓаните да ги почитуваат општите препораки за заштита од високите температури, како што се:

– Заштита од директна сончева изложеност, избегнување престој на отворено во периодот од 11 до 17 часот

– Носење светла и лесна облека, а при директна изложеност на сонце носете заштитни очила и капа (светлите бои ја рефлектираат светлината)

– Консумирање лесна храна и течности, посебно да се внимава при подготовка и консумирање на храната, како и избегнување термички необработени производи, на пример мајонези од домашни јајца и внимателно да се консумира сладолед и разни кремови

– Потребно е внесување поголемо количество течности, најдобро обична вода за пиење, а да се избегнуваат алкохолните пијалаци

– При влегување во возило, потребно е тоа одреден период да се проветри

– Во текот на ваквите екстремно топли денови, останете во затворени простории (пред се климатизирани), а при неопходен престој на отворен простор во овој период, да се најде можност за почести одмори под сенка

– На хронично болните лица им се препорачува редовно земање на пропишаната терапија.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(ВИДЕО) Знате ли што е ГМО храна и зошто е штетна?

Редакција

(Галерија) Заева, Шекеринска, Царовска, Пендаровска на аукција донираа средства за жртвите на семејното насилство

Редакција

И познатите имаат дислексија

Редакција